விசாகம்

நட்சத்திரம் - விசாகம்

விசாகம் என்பது இந்திய வானியலிலும் ஜோதிடத்திலும் ராசிச் சக்கரத்தில் சொல்லப்படுகின்ற இருபத்தேழு நட்சத்திரக் கோணப் பிரிவுகளில் 16 வது பிரிவு ஆகும். இந்திய வானியலிலும் ஜோதிடத்தில் நட்சத்திர பிரிவுகளுக்குரிய பெயர்கள் அவ்வப் பிரிவுகளில் காணும் முக்கியமான விண்மீன்கள் (நட்சத்திரம்) அல்லது விண்மீன் கூட்டங்களை தழுவி இடப்பட்டவை. இதன்படி விசாக நட்சத்திர பிரிவின் பெயர் அப்பிரிவுக்குள் காணப்படும் துலை விண்மீன் கூட்டத்தில் காணப்படும் நான்கு நட்சத்திரங்களைக் கொண்ட விசாக நட்சத்திரத்தின் (α, β, γ, ι லிப்ராய்) பெயரைத் தழுவியது. விசாகத்தின் சமஸ்கிருத பெயரான விஷாக்க (Vishakha) என்பது "கிளைத்த வடிவம்" என்னும் பொருள் கொண்டது. இதன் அடையாளக் குறியீடு "குயவர் சில்லு" ஆகும் இதன் 1, 2, 3ம் பாதங்கள் துலா ராசியிலும் 4ம்பாதம் விருச்சிக ராசியிலும் அமைந்து இருக்கும். இது முருகப்பெருமானின் அவதார நட்சத்திரம். குயவனின் மண்பாண்ட சக்கரத்தைப் போல் அமைந்துள்ள ஐந்து நட்சத்திரங்களின் கூட்டம் இது. மேலும் குருபகவானை அதிபதியாகக் கொண்ட நட்சத்திரங்களில் இரண்டாவதாக இருப்பது விசாகம்

நட்சத்திர காரத்துவம்

ஆளும் உறுப்புகள்	1, 2, 3-ம் பாதங்கள்- வயிற்றின் கீழ்ப்  பகுதி, சிறுநீர்ப் பை, சிறுநீரகங்கள் 4-ம் பாதம்-சிறுநீர்ப் பை, பிறப்பு  உறுப்பு, குதம், சிறுகுடல்.
பார்வை	கீழ்நோக்கு.
பாகை	200.00 - 213.20
தமிழ் மாதம்	1, 2, 3-ம் பாதங்கள் - ஐப்பசி, 4-ம் பாதம்- கார்த்திகை
நிறம்	சிவப்பு
இருப்பிடம்	வெட்டவெளி
கணம்	ராஷச கணம்
குணம்	மிஸ்ரம் - சாதாரணம்
மிருகம்	பெண் புலி
பறவை	பச்சைக் கிளி
மரம்	பாலில்லாத விளா மரம்
மலர்	தெச்சி
தமிழ் அர்த்தம்	பிளவுபட்டது
தமிழ் பெயர்	கழை
சராதி நட்சத்திரப்பிரிவுகள்	சரம்
நாடி	வாம பார்சுவ நாடி
ஆகுதி	பால் சாதம்
பஞ்சபூதம்	நெருப்பு
நைவேத்யம்	வெல்லம்
தேவதை	இந்திரன், தேவ புரோகிதன் அக்னி
அதி தேவதை	சக்ராக்னி, சுப்பிரமணியன்
அதிபதி	குரு
நட்சத்திரம் தன்மைகள்	அபசவ்விய நட்சத்திரம், ஆண் நட்சத்திரம்
உருவம்	மண்பாண்டத்தைத் தயாரிக்க உதவும் சக்கர வடிவத்தில் திகழும் ஐந்து நட்சத்திரக் கூட்டம்
மற்ற வடிவங்கள்	முறம்,தோரணம்,குயவன் சக்கரம்
மற்ற பெயர்கள்	வைகாசி, முற்றில், முறைக்கு, கழகு
வழிபடவேண்டிய தலம்	முத்துக்குமாரசுவாமி, திருநெல்வேலி
அதிஷ்ட எண்கள்	1, 3, 9
வணங்க வேண்டிய சித்தர்	கபி
பெயர் வைக்க வேண்டிய முதல் எழுத்துகள்	தி, து, தே, தோ
அதிஷ்ட நிறங்கள்	பழுப்பு, ஆரஞ்சு
அதிஷ்ட திசை	கிழக்கு
அதிஷ்ட கிழமைகள்	வியாழன், ஞாயிறு
அணியவேண்டிய நவரத்தினம்	கார்னெட் (garnet)
அதிஷ்ட உலோகம்	செம்பு
வெற்றி தரும் நட்சத்திரங்கள்	பூசம், அனுஷம், உத்திரட்டாதி, அசுவினி, மகம், மூலம், உத்திரம், உத்திராடம், சித்திரை, அவிட்டம், சுவாதி, சதயம்.
நட்சத்திரங்களில் தோன்றியவர்கள்	நம்மாழ்வார், சுவாமி முக்தானந்த பரமஹம்சர், கௌதம புத்தர், அன்னிபெசன்ட் அம்மையார், ஞானதேசிக நாச்சியப்ப சுவாமி, சுவாமி ராமதீர்த்தர், ஸ்ரீசத்குரு சாந்தானந்த சுவாமி.
குலம்	நீச்ச குலம்
புருஷார்த்த நட்சத்திரப்பிரிவுகள்	தர்மம்

மேலும் விவரமாக அறிய அமுக்கவும்

சுவாதி - தொடர்ச்சி

பொதுவான குணங்கள்

சுவாதி நட்சத்திர அதிபதி ராகு பகவான் என்பதால் முன்கோபம் அதிகம் இருந்தாலும் நல்ல அறிவுள்ள திறமைசாலிகள். நற்பண்புகள் உடையவர். மனித உரிமைகளைப் பற்றி அடிக்கடி சட்டம் பேசுவார்கள். பிறருக்காக அதிகம் உதவி செய்வார்கள். அனைவரையும் தன் வசம் இழுத்து கொள்ள கூடிய ஆற்றல் கொண்டவர்கள். சில நேரங்களில் தான் சொல்வது தான் சரி என தவறான வழியையும் காட்டி விடுவார்கள். திடமான புக்தி உடையவர்கள் என்றாலும் அடிக்கடி தன் புக்தியை மாற்றி கொள்வார்கள். எளிதல் பயப்படும் குணம் கொண்டவர்கள். இந்த நட்சத்திரத்தில் பிறந்தவர்கள் எல்லோரிடமிருந்தும் வித்தியாசப் படுவார்கள் எல்லா நேரமும் சுறுசுறுப்பாக காணப்படுவார்கள். விளையாட்டு குணம் அதிகம் இருக்கும். சுயமரியாதையை இழக்க விரும்ப மாட்டார்கள். யார் என்ன சொன்னாலும் தனக்கு சரியெனப் பட்டதை மட்டுமே செய்வார்கள். அதில் தவறுகள் நேர்ந்தால் பகிங்கிரமாக மன்னிப்பையும் கேட்பார்கள்.

அழகும், தெய்வ பக்தியும் மிகுந்தவர்கள். கூரிய அறிவு, ஞாபக சக்தி, கலைகளில் ஆர்வம், தன்னம்பிக்கை, தாராள மனப்பான்மை, இரக்க சிந்தனை கொண்டவர்கள். ஓரளவு தர்ம நியாயத்தைக் கடைப்பிடிப்பவர்கள். அதேநேரம் கோபம், பாசம், சுயநலமும் இவர்களிடம் உண்டு. துலாக்கோல் போல நல்லது, கெட்டதை சீர்தூக்கிப் பார்த்து, தீயதை அகற்றி நல்லதைக் கடைப்பிடித்து, வாழ்வில் உயர்வார்கள். வயதான பிறகும் கூட விளையாட்டுப் பிள்ளையாக நடந்து கொள்வார்கள். குழந்தைகளுடன் இருப்பதை விரும்புவார்கள். அக்கம்பக்கத்து வீடுகளில் உள்ள குழந்தைகளைக் கூட கவர்ந்து விடுவார்கள்.

குடும்ப வாழ்க்கை

பிள்ளைகளின் முன்னேற்றத்திற்கு இரவு பகல் பாராமல் உழைப்பர்கள். உறவினர்களிடம் அன்புடன் நடந்து கொள்வார்கள். சுவையான உணவு வகைகளை ரசித்து சாப்பிடுவார்கள். உங்கள் சுதந்திரத்தில் வெளி நபர்கள் தலையிடுவதை அனுமதிக்க மாட்டார்கள்

உற்றார் உறவினர்கள் மீது மதிப்பும் மரியாதையும் கொண்டவர்கள். மண வாழ்க்கை சற்று தாமதமாகத்தான் அமையும். அதிக பிள்ளைகளை பெற்று கொள்ள விட்டால் பிள்ளைகள் மீது அதிக பாசம் கொண்டிருப்பார்கள். அவர்களுக்கு முழு சுதந்திரத்தை கொடுப்பதுடன் அவர்களுக்கு தேவையானவற்றை தாராளமாக செய்து கொடுப்பார்கள். முன் கோபம் அதிகம் உடையவர்கள் என்பதால் கணவன் மனைவியிடத்தில் அடிக்கடி கருத்து வேறுபாடுகள் உண்டாகும்.குடும்பத்திலுள்ளவர்களிடம் சற்று விட்டுக் கொடுத்து நடந்து கொண்டால் மண வாழ்க்கை மகிழ்ச்சி நிறைந்ததாக இருக்கும்.

நண்பர்கள்

நண்பர்கள் அதிகம் இல்லாவிட்டாலும் அனைவரிடமும் சமமாக பழகுவார்கள். சுவாதி நட்சத்திரக்காரர்கள் இனிமையாக பழகினாலும் கோபம் வரும் சமயம் துர் வார்த்தைகள் உபயோகிப்பார்கள். அது பல நேரங்களில் நட்பை கெடுத்து விடும்.

நட்பு நட்சத்திரங்கள்

புனர்பூசம், விசாகம், அஸ்தம், திருவோணம், சித்திரை, அவிட்டம், ரேவதி நட்பு நட்சத்திரங்கள் ஆகும்.

தவிர்க்க வேண்டிய நட்சத்திரங்கள்

புனர்பூசம், விசாகம், அஸ்தம், திருவோணம், சித்திரை, அவிட்டம், ரேவதி நட்பு நட்சத்திரங்கள் ஆகும்.

தொழில்

சுவாதி நட்சத்திரத்தில் பிறந்தவர்கள் சகல விஷயங்களைப் பற்றி தெரிந்து வைத்திருந்தாலும் கற்றது கைமண் அளவு என்பதற்கேற்ப அடக்கத்துடன் நடந்து கொள்வார்கள். வியாபாரிகளாகவும், மார்கெட்டிங் துறையில் வல்லவர்களாகவும் இருப்பார்கள். எப்பொழுதும் சுதந்திரமாகவே செயல்படுவார்கள். சகல சாஸ்திரங்களும் தெரிந்து வைத்திருப்பார்கள். முதலாளி தொழிலாளி என்ற பாகுபாடு இல்லாமல் அனைவரையும் சமமாக நடத்துவார்கள்.

தசா பலன்கள்

சுவாதி நட்சத்திரத்தில் பிறந்தவர்களுக்கு ராகு தசை முதல் திசையாக வரும். ராகு தசை மொத்தம் 18 வருடங்கள் நடைபெறும் என்றாலும் பிறந்த நேரத்தை கணக்கிட்டு எத்தனை ஆண்டுகள் கேது தசை நடைபெறும் என்பதை அறிந்து கொள்ளலாம்.

ராகு தசை:
இளம் வயதில் ராகு தசை நடைபெறும் என்பதால் ராகு நின்ற வீட்டின் அதிபதி பலம் பெற்று சுபர் பார்வையுடன் இருந்தால் கல்வியில் முன்னேற்றமும் பெற்றோருக்கு உயர்வும் உண்டாகும். அதுவே ராகு பாவ கிரக சேர்க்கை உடன் இருந்தால் பேச்சில் வேகம், கல்வியில் மந்த நிலை பிடிவாத குணம், பெரியவர்களிடம் கருத்து வேறுபாடு உண்டாகும்.
குரு தசை:
இரண்டாவதாக வரும் குரு தசை காலங்களில் வாழ்வில் முன்னேற்றம், கல்வியில் ஈடுபாடு எடுக்கும் முயற்சிகளில் வெற்றி. பெற்றோர் பெரியோர்களிடம் ஒற்றுமை குடும்பத்தில் திருமண சுபகாரியங்கள் நடைபெறும் அமைப்பு, பணவரவுகள் தாராளமாக இருக்கும் யோகம் கொடுக்கும்.
சனி தசை:
மூன்றாவதாக வரும் சனி தசை 19 வருட காலங்கள் நடைபெறும். சனி பலம் பெற்றிருந்தால் யோகமும் முன்னேற்றமும், சமுதாயத்தில் பெயர் புகழ் உயர கூடிய வாய்ப்பு உண்டாகும். பொருளாதாரம் மேம்படும்.
புதன் தசை:
அடுத்து வரும் நான்காவது புதன்தசை எதிர்பார்த்த உயர்வுகளைப் பெற முடியும். புதன் தசை 17 வருடங்கள் நடைபெறும். இக்காலங்களில் எடுக்கும் முயற்சிகளில் வெற்றியும் முன்னேற்றமும் உண்டாகும். பணவரவுகளும் சிறப்பாக இருக்கும். குடும்பத்தில் சுபகாரியங்கள் நடைபெறும்.
கேது தசை:
ஐந்தாவதாக வரும் கேது தசை 7 வருட காலங்கள் ஆகும். பொதுவாக கேது தசை யாருக்கு நல்லது செய்வது கிடையாது. உடல் மற்றும் மனதில் பிரச்சினைகள் வரும்.

பொது பரிகாரம்

சுவாதி நட்சத்திர காரர்களின் ஸ்தல மரம் மருத மரமாகும். இம்மரம் அமைந்துள்ள திரு ஸ்தலங்களை வழிபாடு செய்வது நல்லது

செய்ய வேண்டிய நல்ல காரியங்கள்

மாங்கல்யம் செய்தல், திருமணம் செய்தல், பெயர் சூட்டுதல், பூ முடித்தல், முடி களைதல், வீடு வாகனம் வாங்கல், கல்வி ஜோதிடம் மருத்துவம் கற்றல், அன்னதானம் ஆயுத பிரயோகம், சமுத்திர யாத்திரை செய்தல், பயிடுதல், விதை விதைத்தல், தானியம் வாங்குதல், புதிய ஆடை ஆபரணம் அணிதல் போன்ற நற் காரியங்களை செய்யலாம்.

பொருந்தும் மற்றும் பொருந்த நட்சத்திரங்கள்:

திருமணம் பொருத்தம் பார்க்கும் போது

பொருந்தும் நட்சத்திரங்கள்:

புனர்பூசம், துலாம், விசாகம், பூரட்டாதி, கேட்டை, ரேவதி, பரணி, பூரம், பூராடம்

பொருந்தா நட்சத்திரங்கள்:

ரோகிணி, அஸ்தம், திருவோணம், திருவாதிரை, சதயம் ஆகிய நட்சத்திரங்கள் பொருந்தாது. ரோகிணி வேதை ஆகும். (குறிப்பு: மிக பொருந்தும் நட்சத்திரங்கள் மட்டும் கொடுக்கப்பட்டு உள்ளது.)

சொல்ல வேண்டிய மந்திரம்

உக்ரம் வீரம் மகாவிஷணும்
ஜீவலந்தம் ஸர்வதேமுகம்
ந்ருஸிம்ஹம் பிஷனம் பத்ரும்
ம்ருத்யும்ருத்யும் நமாம்யஹம்!

சுவாதி

நட்சத்திரம் - சுவாதி

சுவாதி என்பது இந்திய வானியலிலும் ஜோதிடத்திலும் ராசிச் சக்கரத்தில் சொல்லப்படுகின்ற இருபத்தேழு நட்சத்திரக் கோணப் பிரிவுகளில் 15 வது பிரிவு ஆகும். இந்திய வானியலிலும் ஜோதிடத்தில் நட்சத்திர பிரிவுகளுக்குரிய பெயர்கள் அவ்வப் பிரிவுகளில் காணும் முக்கியமான விண்மீன்கள் (நட்சத்திரம்) அல்லது விண்மீன் கூட்டங்களை தழுவி இடப்பட்டவை. இதன்படி சுவாதி நட்சத்திர பிரிவின் பெயர் அப்பிரிவுக்குள் காணப்படும் பூட்டெசு விண்மீன் கூட்டத்தில் காணப்படும் சித்திரை நட்சத்திரத்தின் (ஆர்க்ட்டூரசு (Arcturus) பெயரைத் தழுவியது. சித்திரையின் சமஸ்கிரத பெயரான ஸ்வாதி (Swathi) என்பது "வாள்" அல்லது "தங்கியிராமை" என்னும் பொருள் கொண்டது. இதன் அடையாளக் குறியீடு "காற்றில் அசையும் ஒற்றைப் புல்" ஆகும்.

தேவ கணத்தைச் சேர்ந்தது. இந்த நட்சத்திரம். மாதுளை முத்து போன்று சிவந்து காணப்படும். இது ஒரு வைரக்கல் நடுவில் ஜொலிப்பது போன்று தோற்றமளிக்கும். இதுவும் ஒற்றை நட்சத்திரம். பௌர்ணமி தினங்களில் ஆக்ஸிஜன் எடுக்க கடலின் மேற்பரப்பில் சிப்பிகள் வரும்போது, விண்ணிலுள்ள பனித் துளிகள் அதில் விழுந்து முத்தாகும் நிகழ்வு, சுவாதி நட்சத்திர நாளில் தான் சாத்தியமாகும் என்று ரஸகுளிகை சாஸ்திரத்தில் கூறப்பட்டுள்ளது.இந்த நட்சத்திரத்தின் 4 பாதங்களும் துலா ராசியில் தான் வருகிறது.

நட்சத்திர காரத்துவம்

ஆளும் உறுப்புகள்	தோள்பட்டை, சிறுநீரகம்
பார்வை	சமநோக்கு
பாகை	186.40 - 200.00
தமிழ் மாதம்	ஐப்பசி
நிறம்	சிவப்பு
இருப்பிடம்	பொட்டல் வெளி
கணம்	தேவ கணம்
குணம்	மென்மை
மிருகம்	ஆண் எருமை
பறவை	தேனீ
மரம்	பாலில்லாத மருத மரம்
மலர்	தாமரை
தமிழ் அர்த்தம்	சுதந்தரமானது
தமிழ் பெயர்	விளக்கு
சராதி நட்சத்திரப்பிரிவுகள்	உபயம்
நாடி	வாம பார்சுவ நாடி
ஆகுதி	தயிர் சாதம்
பஞ்சபூதம்	நெருப்பு
நைவேத்யம்	தயிர் சாதம்
தேவதை	மான் வாகனத்தில் வீற்றிருப்பவரும் புகை  நிற மேனி உடையவருமான வாயு பகவான்.
அதி தேவதை	ஸ்ரீநரசிம்மமூர்த்தி
அதிபதி	ராகு
நட்சத்திரம் தன்மைகள்	அபசவ்விய நட்சத்திரம், ஆண் நட்சத்திரம்
உருவம்	ஒளிரும் வைரம் போன்ற வடிவம்
மற்ற வடிவங்கள்	பவளம்,தீபம்
மற்ற பெயர்கள்	மரக்கால், தீபம், பதுமம், கோகநகம், கமலம், சுடர், தீபம்
வழிபடவேண்டிய தலம்	தாத்திரீஸ்வரர், சித்துக்காடு, சென்னை
அதிஷ்ட எண்கள்	4, 6, 8.
வணங்க வேண்டிய சித்தர்	சித்தர் புலிப்பாணி
பெயர் வைக்க வேண்டிய முதல் எழுத்துகள்	ரு, ரே, ரோ, த
அதிஷ்ட நிறங்கள்	வெளிர்ப் பச்சை, கரு நீலம்
அதிஷ்ட திசை	மேற்கு
அதிஷ்ட கிழமைகள்	வெள்ளி, சனி
அணியவேண்டிய நவரத்தினம்	நீல கல்
அதிஷ்ட உலோகம்	வெள்ளி (Sliver)
வெற்றி தரும் நட்சத்திரங்கள்	புனர்பூசம், விசாகம், அஸ்தம், திருவோணம், சித்திரை, அவிட்டம், ரேவதி
நட்சத்திரங்களில் தோன்றியவர்கள்	நரசிம்ம மூர்த்தி, சிருங்கேரி பீடாதிபதி அபிநவ வித்யாதீர்த்தர், அழகியசிங்கர், பெரியாழ்வார், மாவீரன் அலெக்ஸாண்டர், கோபர் நிக்கஸ், சித்தரஞ்சன்தாஸ்.
குலம்	இராட்சஷ குலம்
புருஷார்த்த நட்சத்திரப்பிரிவுகள்	ஆர்த்தம்

மேலும் விவரமாக அறிய அமுக்கவும்

சித்திரை தொடர்ச்சி

பொதுவான குணங்கள்

சித்திரை நட்சத்திரத்தில் பிறந்தவர்களுக்கு நட்சத்திர அதிபதி செவ்வாய் பகவான் என்பதால் முன் கோபம் அதிகமிருக்கும். அழகிய உடல் வாகும், நீலவிழியும், கட்டான உடலமைப்பும், சிறந்த ஒழக்கமும் அமைந்திருக்கும். பலவகை கலையம்சம் கொண்ட ஆடை அணிகலன்களை விரும்பி அணிபவர்களாக இருப்பார்கள். பிரபஞ்சம் சம்மந்தப்பட்ட விஷயங்களைப் பற்றி தெளிவாக தெரிந்து வைத்திருப்பார்கள்.

அழகிய தோற்றம், அன்போடு பழகும் தன்மை, பேச்சுத் திறமை, ஆடம்பரத்தில் பிரியம், தற்புகழ்ச்சியில் ஆர்வம், பொருட்களில் பற்று ஆகியவை இந்த நட்சத்திரக்காரர்களின் பொதுவான இயல்புகள். தெய்வ பக்தியும், ஆன்மீக, தெய்வீக காரியங்களில் ஈடுபாடு பிறருக்கு கொடுத்து உதவ கூடிய தாராள குணமும் இருக்கும். சொன்ன சொல்லை தன் தலையை வைத்தாவது காப்பாற்றுவார்கள். நல்ல அறிவு கூர்மையும் நடைமுறையை பற்றி பேசுபவர்களாகவும் இருப்பார்கள். வாசனை பொருட்களை விரும்பி உபயோகிப்பார்கள்.

குடும்ப வாழ்க்கை

சித்திரை நட்சத்திரத்தில் பிறந்தவர்களுக்கு சிறப்பான குடும்பம், தந்தை தாய்க்கு குறைவில்லா வாழ்க்கை அமையும். வாழ்க்கை துணையிடம் அதிக பிரியம் உடையவராகவும் வாழ்க்கை துணையின் பேச்சை கேட்பவராகவும் இருப்பார்கள். பரம்பரை கௌரவத்தை எளிதில் விட்டு கொடுக்க மாட்டார்கள் நந்தி வாக்கியம் என்ற நூலில் சித்திரை நட்சத்திரத்தில் பிறந்தவர்களை பற்றி கூறுகையில் பாதி வாழ்க்கை சுக போகமாகவும் மீதி வாழ்க்கை துறவறத்திலும் கழியும் என்று கூறுகிறது. மணவாழ்க்கை சற்று தாமதமாக அமையும். பிள்ளைகளிடம் மிகுந்த அன்பு காட்டும் அதே நேரத்தில், அவர்கள் தவறு செய்தால் கண்டிக்கவும் தயங்க மாட்டார்கள்.

நண்பர்கள்

நண்பர்களுக்கு அதிக முக்கியத்துவம் தருவது, நண்பர்களால் முன்னேற்றம் பெறுவதும், பணம் முதலீடு செய்யாமல் திறமையை முதலீடு செய்து கூட்டாகத் தொழில் செய்வதும் சித்திரையின் தனித்தன்மைகள் ஆகும்

நட்பு நட்சத்திரங்கள்

அஸ்வினி, மகம், மூலம், கார்த்திகை, உத்திரம், உத்திராடம் நண்பராகவோ அல்லது வாழ்க்கை துணையாகவோ அமைந்தால் மிகவும் நல்லது

தவிர்க்க வேண்டிய நட்சத்திரங்கள்

பூசம், சித்திரை, மிருகசீரிஷம், அவிட்டம் நட்பை தவிர்ப்பது நல்லது

தொழில்

சித்திரை நட்சத்திரத்தில் பிறந்தவர்கள் எந்த துறையை சார்ந்திருந்தாலும் அதில் சாதனைகள் பல செய்ய கூடிய வல்லமை பெற்றிருப்பார்கள். எதிலும் முதலிடத்தை பிடித்து விடுவார்கள். பல பட்ட படிப்புகள் படித்திருந்தாலும் பார்க்கும் வேலைக்கு படிப்பிற்கும் சம்மந்தம் இருக்காது. எல்லோரிடத்திலும் கனிவாக பேசி வேலை வாங்குவார்கள். பலரை வைத்து நிர்வகிக்க கூடிய நிர்வாகத் திறன் இருக்கும். மற்றவர்களை அடக்கி ஆளும் திறன் கொண்டவர்கள். நிறைய சாதிக்க வேண்டும் என்ற எண்ணம் ஆழ் மனதில் இருந்து கொண்டே இருந்தால் சம்பாதிக்க வேண்டும் என்ற கவலையும் நிறைய இருக்கும்.

தசா பலன்கள்

சித்திரை நட்சத்திரத்தில் பிறந்தவர்களுக்கு செவ்வாய் தசை முதல் திசையாக வரும். செவ்வாய் தசை மொத்தம் 7 வருடங்கள் நடைபெறும் என்றாலும் பிறந்த நேரத்தை கணக்கிட்டு எத்தனை ஆண்டுகள் செவ்வாய் தசை நடைபெறும் என்பதை அறிந்து கொள்ளலாம்.

செவ்வாய் தசை:
உடல் உஷ்ணத்தால் பிரச்சனை உண்டாக வாய்ப்பு உண்டு. தாய் தந்தைக்கு உடல் நல குறைவு, பூமி லாபம் ஆகியவை உண்டாகும்.
ராகு தசை:
இரண்டாவதாக வரும் தசை ராகு தசை. இது மொத்தம் 18 வருட காலங்களாகும். இத்தசை காலங்களில் ராகு நின்ற வீட்டு அதிபதி ஆட்சி உச்சம் பெற்று சுபர் பார்வையுடன் இருந்தால் மட்டுமே இளமை கால வாழ்வில் கல்வியில் முன்னேற்றமும், சுகவாழ்வும் கிட்டும். ராகு நின்ற வீட்டதிபதி பலமிழந்திருந்தால் கல்வியில் ஈடுபாடு இருக்காது. பெற்றோர் பெரியோர் மற்றும் ஆசிரியர்களிடம் அவப் பெயரை எடுக்க நேரிடும். தேவையற்ற நண்பர்களின் சேர்க்கையும் அதனால் வம்பு வழக்குகள் ஏற்படும்.
குரு தசை:
மூன்றாவதாக வரும் குரு தசை காலங்கள் 16 வருடம் நடைபெறும். இத்தசை காலங்களில் கடந்த கால பிரச்சனைகள் விலகி முன்னேற்றமான நிலை, முரட்டு சுபாவம் மறைந்து அனைவரிடமும் அன்பாக பழகும் பண்பு உண்டாகும். சுகவாழ்வும் கிட்டும்.
சனி தசை:
அடுத்து வரும் நான்காவது தசை சனி தசையாகும். இது 19 வருட காலங்கள் நடைபெறும் சனி தசை மாரக தசை என்றாலும் சனி பலம் பெற்று சுபர் பார்வையுடன் இருந்தால் பலவகையில் மேன்மைகளும் சமுதாயத்தில் உயர்வும் உண்டாகும். உடனிருப்பவர்களால் உயர்வுகள் கிட்டும். சமுதாயத்தில் பெயர் புகழ் உயர்வடையும்.

பொது பரிகாரம்

சித்திரை நட்சத்திரத்தில் பிறந்தவர்களின் ஸ்தல விருட்சம் வில்வ மரமாகும். இம்மரம் உள்ள ஸ்தலங்களில் வழிபாடு செய்தால் நற்பலனை அடைய முடியும்.

செய்ய வேண்டிய நல்ல காரியங்கள்

சித்திரை நட்சத்திரத்தில் திருமணம் பூ முடித்தல், குழந்தைக்கு மொட்டை அடித்தல், காது குத்துதல், பெயர் வைத்தல், புது மனை புகுதல், அன்னதானம் செய்தல், கல்வி, ஜோதிடம், மருத்துவம், சங்கீதம் வண்டி வாகனங்கள் வாங்குவது, நாட்டிய அரங்கேற்றம் போன்றவற்றை தொடங்கலாம். புத்தகம் வெளியிடுதல், குளம் கிணறு வெட்டுதல் தானியத்தை களஞ்சியத்தில் சேர்த்தல் போன்ற வற்றை செய்யலாம்.

பொருந்தும் மற்றும் பொருந்த நட்சத்திரங்கள்:

திருமணம் பொருத்தம் பார்க்கும் போது

பொருந்தும் நட்சத்திரங்கள்:

அனுஷம், உத்திரட்டாதி, அஸ்வினி, மகம், மூலம், கார்த்திகை, உத்திரம், உத்திராடம்

பொருந்தா நட்சத்திரங்கள்:

அவிட்டம், மிருகசீரிஷம், போன்ற நட்சத்திரங்களில் பிறந்தவர்களை திருமணம் செய்ய கூடாது.

(குறிப்பு: மிக பொருந்தும் நட்சத்திரங்கள் மட்டும் கொடுக்கப்பட்டு உள்ளது.)

சொல்ல வேண்டிய மந்திரம்

ஓம் நமோ பகவதே, மஹா ஸீதர் சனாய தீப்த்ரே
ஜ்வாலா பரீதாய ஸர்வ திக்ஷோபணகராய
ஹீம் பட் ப்ரஹ்மனே பரஞ் ஜ்யோ திஷே நம!