கும்பம் ராசி குரு பெயர்ச்சி
பொது பலன்கள் 2024-25
- இந்த பெயர்ச்சியில் குரு பகவான் தைரிய ஸ்தானத்தில் இருந்து சுக ஸ்தானத்திற்கு மாறுகிறார். அதாவது நான்காம் இடத்திற்கு வருகிறார். அவர் அஷ்டம ஆயுள் ஸ்தானம் (8ம் வீடு ),தொழில் ஸ்தானம் (10ம் வீடு ), விரைய ஸ்தானம்(12ம் வீடு ) ஆகியவற்றைப் பார்க்கிறார்.
- கடந்த காலத்தில் இருந்து வந்த நெருக்கடிகள் கொஞ்சம் கொஞ்சமாக விலகும்.
- பொருளாதரத்தில் முன்னேற்றம் ஏற்படும். சொத்து வாங்கும் யோகம் சிலருக்கு அமையும்.
- ஒரு சிலருக்கு சொத்து வாங்குவதில் இருந்து வந்த தடை விலகும்.
- வாழ்க்கை மேம்படும். அம்மா வழியில் நல்ல செய்திகள் கிடைக்கும்.
- உடல்நலம் சீராகும், தொழிலமைப்பு ஏற்றம் பெறும்.
- பணவரவு இருந்தாலும் செலவுகள் சேர்ந்து வரும்.
- பணி செய்யும் இடத்தில் பாராட்டுகள் கிடைக்கும். சிலருக்கு தொழில் நிரந்தரமாகி மகிழ்ச்சி சேர்க்கும்.
- பல கால எதிர்பார்ப்புகளான ஊதியம், பதவி உயர்வு கிட்டும்.
- திட்டம் இடுதலும் , நேரம் தவறாமையும் உயர்வுகளை உறுதியாக்கும். வரவில் இருந்த தடைகள் நீங்கும்.
- தொழில், வேலை மற்றும் வியாபாரத்தில் சிறிய முன்னேற்றம் ஏற்படும். இருப்பினும், பெரிய முயற்சிகள், முதலீடுகள் போன்றவற்றை தவிர்ப்பது நல்லது.
- அரசியலில் உள்ளவர்கள் அடக்கத்துடன் இருப்பதே நல்லது.
- அரசுப்பணி புரிபவர்கள் தொடர்ச்சியாக வளர்ச்சி உண்டு
- கலைஞர்கள், சினிமாத்துறையினர் கவனத்தை சிதற விட கூடாது.
- பெண்களுக்கு பூர்வீக சொத்து சேரும். ஆனாலும் உடல் ரீதியான உபாதைகள் ஏற்படலாம் என்பதால் உணவுப் பழக்கத்தில் கட்டுப்பாடு தேவை
- பணிபுரியும் பெண்களுக்கு, வேலை பளு அதிகரித்து, சில நெருக்கடிகளும் ஏற்படலாம். இருப்பினும் உங்கள் கடின உழைப்புக்கு உரிய வெகுமதிகள் கிடைக்கும்.
- வீட்டில் இருப்போரிடம் விட்டுக் கொடுத்தல் முக்கியம். வார்த்தைகளில் கவனம் தேவை. உறவுகளால் சகாயம் உண்டு. வாழ்க்கைத் துணை உடல்நலத்தில் கவனம் செலுத்துங்கள்.
- குடும்ப விஷயத்தில் மூன்றாம் நபரை அனுமதிக்க வேண்டாம்.
- உடனிருப்போருடன் வீண் தர்க்கம் வேண்டாம். கொடுக்கல் வாங்கலில் அலட்சியம் கூடாது.
- குரு பெயர்ச்சியால் பெரிய பாதகங்கள் இல்லை என்றாலும் இதர கிரகங்களின் சஞ்சாரம் மூலம் குடும்பத்தில் சில சிக்கல்கள் ஏற்படலாம்
- ஒற்றைத் தலைவலி, சுவாசக் கோளாறுகள், அடிவயிறு உபாதை, ரத்த அழுத்த மாற்றம் வரலாம்.
அவிட்டம் - 3, 4 பாதங்கள்
- இந்த குரு பெயர்ச்சியால் , இவர்கள் செய்த வேலைகளை தாங்கள் செய்ததாகக் கூறி, மற்றவர்கள் நற்பெயர் எடுத்துக் கொள்வார்கள். கவனம் தேவை.
- வியாபாரிகள் லாபம் ஈட்டுவதில் கவனம் செலுத்துவர்கள். வியாபாரம் தொடர்பான அலைச்சல் ஏற்படலாம்.
- உடனிருப்பவர்களின் ஆலோசனைகளைக் கேட்டு கவனமுடன் செயல்படுவது நன்மை தரும். . வெளியூர் பயணங்களால் லாபம் உண்டு.
- விவசாயிகள் மகிழ்ச்சி அடையும் படியான லாபத்துடன் கூடிய விற்பனை இருக்கும். உடனிருப்பவர்களுடன் கவனமாக பழகுவது நல்லது. மற்றவர்களை அனுசரித்து செல்வது நல்லது.
- வேலையில் திருப்தி உண்டாகும். பிள்ளைகளின் கல்வியில் ஆர்வம் காட்டுவார்கள்.
சதயம்
- இந்த குரு பெயர்ச்சியால் எந்த காரியத்திலும் கவனம் தேவை.
- பெரியவர்களிடம் நற்பெயர் எடுப்பதால் மகிழ்ச்சி உண்டாகும்.
- மனம் தெளிவடையும். பணவரத்து அதிகரிக்கும்.
- எல்லா வகையிலும் நல்லதே நடக்கும். எதிர்ப்புகள் விலகும்.
- நண்பர்கள் மூலம் உதவிகள் கிடைக்கும்.
- விரும்பிய காரியங்களை செய்வதுடன், அதற்கு நல்ல சாதகமான பலன் கிடைக்கும் .
- புதிய நபர்களின் அறிமுகம் கிடைக்கும்.
- தொழில் வியாபாரம் தொடர்பான காரியங்கள் சாதகமாக நடந்து முடியும். தொழில் விரிவாக்கத்திற்கு தேவையான பண உதவிகள் கிடைக்கும்.
- வியாபார போட்டிகள் குறையும்.
- பழைய பாக்கிகள் வசூலாகும்.
- உத்தியோகத்தில் இருப்பவர்கள் மேலதிகாரிகளின் ஆதரவு கிடைக்க பெறுவார்கள்.
பூரட்டாதி - 1, 2, 3 பாதங்கள்
- இந்த குரு பெயர்ச்சியால் குடும்பத்தில் சுபகாரியங்கள் நடக்கும்.
- கணவன், மனைவிக்கிடையே அன்பு அதிகரிக்கும்.
- பிள்ளைகள், சொல்படி நடப்பது மனதுக்கு திருப்தி தரும். பிள்ளைகள் கேட்பதை வாங்கிக் கொடுபார்கள், அதனால் சந்தோஷம் உண்டாகும்.
- இடம், வாகனம் வாங்கும் எண்ணம் மேலோங்கும். அதற்கான காரியங்களையும் செய்ய ஆரம்பிப்பார்கள்.
- பணவரத்து எதிர்பார்த்தபடி இருக்கும். எடுத்த காரியங்களில் சாதகமான பலன் கிடைக்கும்.
- ஆன்மீக நாட்டம் அதிகரிக்கும். நீண்ட நாட்களாக நினைத்திருந்த ஆன்மீக தலங்களுக்குச் சென்று வரும் வாய்ப்பு உண்டு
- வெளியூர் பயணங்கள் மனதிற்கு மகிழ்ச்சியைத் தரும்.
பரிகாரம்
விநாயகரை வணங்க எல்லா துன்பங்களும் நீங்கும்.
சனிக்கிழமை அன்று விநாயகருக்கு தேங்காய் மாலை சாத்தி வழிபட உடல் ஆரோக்கியம் சிறப்பாகும்
