“காதலுக்கும் கிரகங்களுக்கும் இடையிலான உறவு” என்ற இந்த தொடரில், இன்று ஜோதிட சாஸ்திரத்தின் அடிப்படையில் ஒருவரின் காதல் வாழ்க்கை மற்றும் உறவுகளை தீர்மானிப்பதில் முக்கிய பங்கு வகிக்கும் கிரகம் – புதன் – எப்படி செயல்படுகிறார் என்பதை பார்ப்போம்.
ஜோதிடத்தில் காதலுக்கும் புதனுக்கும் இடையிலான உறவு மிகவும் முக்கியமானதாகக் கருதப்படுகிறது. பொதுவாக சுக்கிரன் காதலுக்கான பிரதான கிரகமாக பார்க்கப்பட்டாலும், ஒரு உறவு மலரவும் நீடிக்கவும் புதன் இன்றியமையாத பங்கு வகிக்கிறார். காதல் வளர்ச்சிக்கு பேச்சுவார்த்தை, கருத்துப் பரிமாற்றம் மற்றும் புரிதல் மிக அவசியமானவை.
ஒருவரின் ஜாதகத்தில் புதன் வலுவாக இருந்தால், அவர் தனது உணர்வுகளை தெளிவாகவும் சுவாரஸ்யமாகவும் வெளிப்படுத்துவார். புதன் பலமாக உள்ளவர்களின் காதல் உறவுகளில், காதலர்கள் ஒருவருக்கொருவர் திறந்த மனதுடன் பேசுவார்கள். நட்புக்கு ஏற்ற கிரகமாக புதன் கருதப்படுவதால், புதன் ஆதிக்கம் அதிகமுள்ள ஜாதகங்களில் காதல் முதலில் நட்பாகத் தொடங்கி, பின்னர் ஆழமான உறவாக மாறும்.
மேலும், புதன் அறிவை குறிக்கும் கிரகம். எனவே உடல் ஈர்ப்பை விட அறிவு, பேச்சுத் திறன் மற்றும் சிந்தனை ஒருமைப்பாடு போன்றவை காதலை உருவாக்கும். புதன் இளமை, சுறுசுறுப்பு மற்றும் நகைச்சுவை உணர்வைக் குறிக்கின்றதால், காதல் உறவில் சலிப்பு இல்லாமல் மகிழ்ச்சியும் உற்சாகமும் நிலவும்.
ஒருவரின் ஜாதகத்தில் புதன் பாதிக்கப்பட்டிருந்தால், காதல் வாழ்க்கையில் தவறான புரிதல்கள், தேவையற்ற வாக்குவாதங்கள், பொய் அல்லது மறைமுக நடத்தை போன்ற பிரச்சனைகள் ஏற்பட வாய்ப்பு உள்ளது.
மேலும், ஒரு ஜாதகத்தில் புதன் மற்றும் சுக்கிரன் சேர்ந்து இருந்தாலோ, அல்லது ஒருவரை ஒருவர் பார்வை செய்தாலோ, காதலில் இனிமையான பேச்சு, ரொமான்ஸ், கவர்ச்சி மற்றும் வெற்றிகரமான காதல் உறவை வழங்கும் சிறந்த யோகமாகக் கருதப்படுகிறது. இருப்பினும், இந்த யோகத்தின் பலன்கள் எந்த வீட்டில் அமைந்துள்ளது என்பதனைப் பொறுத்து மாறுபடும்.
காதல் வாழ்க்கையில் சுக்கிரனின் பங்கு காதல் வாழ்க்கையில் சந்திரனின் பங்கு காதலுக்கும் புதனுக்கும் இடையிலான உறவு காதல் வாழ்க்கையில் சூரியனின் பங்கு காதல் வாழ்க்கையில் குருவின் பங்கு காதல் வாழ்க்கையில் செவ்வாயின் பங்கு காதல் வாழ்க்கையில் சனியின் பங்கு காதல் வாழ்க்கையில் ராகு-கேதுவின் பங்கு
